Hikmet-35

Işkıng kıldı şeydâ meni cümle âlem bildi meni Kayğum sensen tüni küni menge sen ok kereksen Teâlallah zih-i ma'ni sen yarattıng cism ü cânnı Kullık kılam tüni küni menge sen ok kereksen Közüm açdım seri kördem küll köngülni senge berdim Uruğlarım terkin kıldım menge sen ok kereksen Sözlesem men tilimdesen közlesem men közümdesen Könglümde hem cânımdasen menge sen ok kereksen Fedâ bolsun senge cânım töker bolsang menim kanım Men kulungmen sen sultânım menge sen ok kereksen Alimlerge kitâp kerek sûfilerge mescid kerek Mecnûn'larğa Leylâ kerek menge sen ok kereksen Gafillerge dünyâ kerek âkillerge ukbâ kerek Vâizlerge minber kerek menge sen ok kereksen Alem barı uçmağ bolsa cümle hûrlar karşı kelse Allah menge ruzı kılsa menge sen ok kereksen Uçmağ kirem cevlân kılam ne hurlarğa nazar kılam Anı munı men ne kılam menge sen ok kereksen Hâce Ahmed menim atım tüni küni yanar otım İki cihânda ümidim menge sen ok kereksen