Bir Mezâr Üstünde Bir Mürg-ı Şikeste Şâhbâl

Bir mezâr üstünde bir mürg-ı şikeste şâhbâl Âsumana göz dikip eylerdi mihnetle enîn; Çeşminin etrafına çökmüştü bir zıll-ı hazîn! Hey'et-i mecmûasında vardı bir müdhiş melâl! Nagmesâz oldukca lâkaydane mürgân-ı cibâl Onları dinlerdi ol bîçâre kuş me'yûs ü lâl; Yükselip bulmak dilerdi bir cihân-ı berterîn Mâni'-i pervâz olurdu cismine dest-i zemîn! Her sehâb-ı terden istimdâd ederdi her sabâh! Cehd ü istimdâdına ragmen kalırdı daima Hâk-i serd ü cângüdâz üstünde mecbûr-ı bükâ Aglarım tasvir ederken hâlini ol tâirin; Çünkü arz üstünde feryâd eyleyen her ş'airin Tercümân-ı rûhudur ol mürg-ı mecrûhü'l-cenâh Cenab Şahabeddin