Ey Hak’kın Tâlibi Gezme Âvâre

— 4 — Ey Hak’kın tâlibi gezme âvâre Gel boyun sun kulluk eyle bir ere Ere yeten Hak’ka yeter yakin bil Erden olur yine derdine çâre . Derdli isen iste bul tâbîbini Zîrâ tabib bîmâr eder bimâra Sana gerek olanı iste ara Kişi Mekke’yi bulur sora sora Hakim benim dürlü kumaş bendedir Dükkân açub girdim bir ulu şara Çağırın şol sarraflara kim gelsün Uş bugün metâ’ çıkardım pazara Sarraf bilür gevherin kıymetini Bahâ biçsün ol kıymetli gevhere Ârifin esrârını fâş idem ben Ne münâsib deyem ehl-i inkâra Okudum bildim der ise demesün Her kimde ki var ise ol emmâre Muhyeddin'in pazarı Hak iledir Ki gözlü gerek gele Hak’kı göre