Gazel - Mersiye gûne

(Gazel) - Mersiye gûne- Göründi hüsnine bir yadgâr şeklinde Neler ki gördüm ise zernigâr şeklinde Neşât u gam degil amma bir emr-i mübkîdir Onı düşünme dem-i hoşgüvâr şeklinde Kalınca ebkem ü bîdil nedîme-i cânım Rakîk-i ruhum olan kûhsâr şeklinde Per-i tefekkürüme verdi lerzeler bir his Cihânı seyre doyan igbirâr şeklinde Hüdâdadan istedmi olmak o cisme bir pâbûs Yatub eteklerie bir mezâr şeklinde Bu tengnâralara düşdüm girîve-i dilden Gidüb rasânet-i fikr ihtiyâr şeklinde Cihet cihet görerek bir amûd-ı nûrânî Şikeste best o rûh-ı nizâr şeklinde Cihât-ı hissime bir hüzn olur ki tebfermâ Ridâ-yı mevte giden hâr hâr şeklinde Binâ-yı bâsıramı hedme sa'y eder sanırım O hiss-i dilşiken ol gam humâr şeklinde Gözümle daglayarak geçmek isterim her dem Zemîn-i hikmete bir cûybâr şeklinde Husûl-i matlaba l3akin düdest hâil olur Şevâhik-i ebediyette yâr şeklinde Olınca secde gehim bir perdepûş her hikmet 'Ukûlü seyrederim bîmedâr şeklinde Celâletindir ilâhî o hüsn-i muhteşeme Türâbı gösterişin perdedâr şeklinde Nazar gehimde teselliye biñ vesile dogar Da i'tirâz ederim hûşyar şeklinde Felek de kıydıgına nâdim oldu zannederim Zavallı kızcagıza verd-i târ şeklinde Nedir bu köhne kuyûdu mükevvenâtın kim Esîr-i şa'şaadır nevbahâr şeklinde Ben agladıkca sipihrin şükûh-ı hûnrîzi Güler niçün fiten-i rûzgâr şeklinde Lisân-ı acz-i beşerde o külfet-i nutk ol Terânelerde natûk inkisâr şeklinde Ayırma hâk-i mezârından ey hûda kalsın başım bu nevha ile rûhdâr şeklinde Ziyâret eyleyim eyvâh bu cism ü rûhumla Şu türbegâhı garîbü'd-diyâr şeklinde Hayâl-i rûşeni leylin karanlıgında dogar Zalâmı bekleyeyik rehgüzâr şeklinde Bugün de baht-ı siyeh mâni' oldı azmime âh Ezilmek ister idim hâksâr şeklinde Kapar da gözlerimi öyle aglarım dogdı Dem-i seher kefen-i hûnnisâr şeklinde Şu unf-ı azmile elbette pâymâlim olur Ne olsa sedd-i sırâtım gubâr şeklinde Fenâ bekâ gibi kuvvetlerin muhassalası Olır bu meyl-i firâk ıztırâr şeklinde O rûha fâtihâhândır şu savt-ı fikraşub Ki aglıyor nevehât-ı hezâr şeklinde