Lâle-hadler yine gülşende neler etmediler

Lâle-hadler yine gülşende neler etmediler Servi yürütmediler goncayı söyletmediler Taşradan geldi çemen mülkine bîgâne diyü Devr-i gül sohbetine lâleyi iletmediler Âdeti hûblarun cevr ü cefâdur ammâ Bana etdüklerini kimselere etmediler Hamdülillâh mey-i cân-bahş ile sâkîlerümüz Âb-ı hayvân ile Kevser suyın istetmediler Hele ol kaşları ya okları peykânlarını Sîneden çekmediler yüreği oynatmadılar Bin güzeller bulınur Yûsuf'a mânend ammâ Bu kadar var ki bular kendülerin satmadılar Ey Necâtî yüri sabr eyle elünden ne gelür Hûblar cevr ü cefâyı kime öğretmediler