Leyâl-i Zâhire

Leyâl-i Zâhire -Hüseyin Suad Bege- O dem ki leyle-i pâkize bürka'-i mehtâb Olur küşâde beyâz-ı seherle her yerde, O dem ki aks-i ziyâ nakşeder denizlerde Büyük bir âyine-i rûşenâ-yı sîm ü serâb, O dem ki sâhil-i cûy-ı reşâşe güsterde Yumar dü çeşmini mestâne bülbül-i bîtâb O dem ki 'âlemi bâzû-yı nerm-i râhat ü hâb Eder şükûfeli rü'yâlarıyla perverde... O dem zemîne inip bir ziyâ-yı billûrî Temâs-ı leyyin-i gaşyâveriyle etrafı Eder garîk-i buhayrât-ı pâk-i mahmûru! Sanır, bu levha-i berrâkı eyleyen rü'yet, Leyâl-i zâhirenin de dest-i sâf ü şeffâfı Yakar semâda bir âvize-i kamer-hey'et! Cenab Şahabeddin