Mersiye-i Hodgâmâne

Mersiye-i Hodgâmâne Sen mezarın içinde rahatda Yâr u yâver sana bütün 'âlem Ben ise tengnâ-yı mihnetde Yâr u yâversiz aglarım her dem Senin ismin lisân-ı rahmetde Sana bir kalb-i sermedî mahrem Bana lâkin bu dâr-ı kasvetde Yâr olan bir netîcesiz mâtem! Ne lebimde dûâya kudret var, Ne teselliye meyl ü niyyet var, Benim eyvâh! rûh-ı zârımda! Bana bir cây-ı tesliyet olmaz; Kimse şâyân-ı merhamet bulmaz Beni bu rûşenâ mezârımda! Cenab Şahabeddin