Seni Dinlerken

Seni Dinlerken İner şeb-i tabiatın İner leb-i müzehhebi, Leyâl-i 'âşıkıyyetin Hamûşî-i mükevkebi iner sımâh-ı ruhuma! İner gusûn-ı rikkatin İner sürûd-ı lerzişi, Melâik-i melâhatin Meşâid-i nevâzişi İner sımâh-ı ruhuma! Müşâfehât-ı hubb ü dâd, Müşâfehat-ı mevc ü şeb, Müşâfehât-ı berk ü bâd, Müşâfehât-ı kalb ü leb, İner sımâh-ı ruhuma! İner... birer birer iner Kebüterân-ı âsümân, İner... iner terâneler, Terâne-i kebûterân İner sımâh-ı ruhuma! Senin bahar-ı nâtıkın, Senin bahar-ı mutribin Senin leb-i muâşıkın Senni leb-i mühezzibin Gelir dehân-ı ruhuma! 1308Cenab Şahabeddin