Tarîk-i Rehâ

Tarîk-i Rehâ Meydanda kaldı hasta ziyâsız, ümîdsiz. -Bir gölgenin içinde kapanmıştı her sokak- Ancak görürdü çeşm-i taharrîsi korkarak Fevkinde bir semâ ile pîşinde bir deniz! Bir baktı âsümâne nigâh-ı fütûr ile: Fevkinde fi'l-hakîka semâ tâbnâk idi; Bir mâh-ı bîhudud idi sîmâ-yı râkidi; Mestûr idi hakikatı zerrât-ı nûr ile! Bir baktı çeşm-i ye's ile bahr-ı münevvere: Tâbende katreler nazar-ı inkisârını, Da'vet ederdi bir ebedî râh-ı envere? Bahrın lisân-ı zâhirini sanki anladı, Bir ye's-i vâpesînle yumup çeşm-i zârını. Mâhın denizde açtıgı şehrâha atladı. Cenab Şahabeddin